Norðurljósin dreifðust um allan himinn í kvöld og glöddu þá sem voru úti við.

Líflegt er út við bræðslu þessa dagana. Hvert skipið á fætur öðru kemur inn með loðnu til löndunar auk þess sem verið er að skipa út mjöli. Í gærkvöldi var verið að landa úr Hoffellinu og Christian í Grjótinum beið eftir að komast undir.

11.2 dagurinn var haldinn hátíðlegur í dag. Slökkvistöðin og Björgunarsveitarhúsið var opið öllum og sýndu viðbragðsaðilar; þ.e. lögreglan, slökkviliðið, björgunarsveitin, Rauða kross deildin og slysavarnadeildin, tæki og tól. Boðið var upp á kaffi og vöfflur. Myndir komnar í albúm.

Tunglið virkaði svo stórt þegar það kom upp yfir Búðaheiðina rétt fyrir kl. 17 í dag.

Fallegt veður hefur verið í kvöld. Tunglbjart inn á milli og skýin á hraðferð í vindinum. Ekki skemmdi fyrir að norðurljósin létu sjá sig. 

Fáskrúðsfjörður skartaði sínu fegursta við sólarupprás í morgun. 

Við franska grafreitinn í dag.